ថវិការដ្ឋសង្ខេបឆ្នាំ ២០២៦

នៅក្នុងរបាយការណ៍ថវិការសង្ខេបនៃច្បាប់ថវិការឆ្នាំ ២០២៦ នេះ បានបង្ហាញពីការវិភាគលើបរិការណ៍រួមនៃការរៀបចំថវិកាឆ្នាំ ២០២៦ បញ្ហាប្រឈមនិងហានិភ័យ រួមជាមួយនឹងអភិក្រមនិងគោលការណ៍នៃការរៀបចំថវិកាឆ្នាំ ២០២៦។ បន្ថែមពីនេះរបាយការណ៍នេះក៏បានបង្ហាញពីការវិភាគទៅលើក្របខ័ណ្ឌម៉ាក្រូសេដ្ឋកិច្ចឆ្នាំ ២០២៦, សូចនាករម៉ាក្រូសេដ្ឋកិច្ចឆ្នាំ២០២៦, អតិផរណា និងអត្រាប្ដូរប្រាក់, ក្របខ័ណ្ឌយុទ្ធសាស្ត្រ និងកម្មវិធីស្តារនិងជម្រុញកំណើនសេដ្ឋកិច្ចផងដែរ។ លើសពិនេះក្របខ័ណ្ឌថវិកាឆ្នាំ ២០២៦ បានបង្ហាញពីគម្រោងចំណូល-ចំណាយថវិការដ្ឋ, ថវិកាថ្នាក់ជាតិ, ថវិការដ្ឋបាលថ្នាក់ក្រោមជាតិ, ការកំណត់ពិតាននៃការខ្ចីសម្រាប់ឆ្នាំ ២០២៦ និងស្ថានភាពបំណុល។ មិនតែប៉ុណ្ណោះក្នុងនេះផងដែរក៏បានបង្ហាញពីគោលនយោបាយ និងថវិកាកម្មវិធីរបស់ក្រសួង-ស្ថាប័ន និងចំណាយថវិកាសរុបរបស់ក្រសួង-ស្ថាប័ននានាជាសេនាធិការរបស់រាជរដ្ឋាភិបាល។