យុទ្ធសាស្ត្រស្តីពីកិច្ចសហប្រតិបត្តិការអភិវឌ្ឍន៍ និងភាពជាដៃគូ ឆ្នាំ២០២៤ ដល់ ២០២៨

យុទ្ធសាស្ត្រនេះកំណត់ក្របខ័ណ្ឌសម្រាប់ពង្រឹងកិច្ចសហប្រតិបត្តិការអភិវឌ្ឍន៍ និងភាពជាដៃគូរបស់កម្ពុជា ក្នុងឆ្នាំ២០២៤ ដល់ ២០២៨។ ឯកសារនេះគាំទ្រការអនុវត្តយុទ្ធសាស្ត្របញ្ចកោណ ដំណាក់កាលទី១ ដោយលើកកម្ពស់ស័ក្តិសិទ្ធិភាព និងប្រសិទ្ធភាពនៃហិរញ្ញប្បទានសហប្រតិបត្តិការ ពង្រឹងភាពជាម្ចាស់ និងភាពជាអ្នកដឹកនាំរបស់រាជរដ្ឋាភិបាល លើកកម្ពស់ភាពជាដៃគូបែបបរិយាបន្នជាមួយតួអង្គអភិវឌ្ឍន៍ និងបង្កើនតម្លាភាព គណនេយ្យភាពទ្វេទិស និងការតាមដានលទ្ធផល។ ឯកសារនេះពិនិត្យវឌ្ឍនភាពឆ្នាំ២០១៩​ ដល់ ២០២៣ រួមទាំងហិរញ្ញប្បទានសហប្រតិបត្តិការជាង ១០១០០ លានដុល្លារ និងកំណត់គោលដៅយុទ្ធសាស្ត្រ ៥ យន្តការភាពជាដៃគូ ឧបករណ៍គន្លឹះ និងក្របខ័ណ្ឌលទ្ធផលសម្រាប់តាមដាន។