ផែនទីបង្ហាញផ្លូវបច្ចេកវិទ្យាទេសចរណ៍

ឯកសារនេះបង្ហាញអំពីផែនទីបង្ហាញផ្លូវបច្ចេកវិទ្យាទេសចរណ៍របស់កម្ពុជា ដែលកំណត់ទិសដៅសម្រាប់ការចាប់យក និងបរិវត្តកម្មបច្ចេកវិទ្យាក្នុងវិស័យទេសចរណ៍រហូតដល់ឆ្នាំ២០៣០។ ឯកសារនេះមានចក្ខុវិស័យធ្វើឱ្យកម្ពុជាក្លាយជាគោលដៅទេសចរណ៍ឈានមុខមួយក្នុងតំបន់ តាមរយៈវិទ្យាសាស្ត្រ បច្ចេកវិទ្យា និងនវានុវត្តន៍ ដើម្បីបង្កើនភាពប្រកួតប្រជែង ចីរភាព និងភាពធន់។ ផែនទីបង្ហាញផ្លូវកំណត់ផលិតផល និងសេវាយុទ្ធសាស្ត្រ ដូចជា បទពិសោធន៍ទេសចរណ៍ឆ្លាតវៃ អេកូទេសចរណ៍ ការដឹកជញ្ជូនសមាហរណកម្ម ទំនាក់ទំនង និងប្រតិបត្តិការឌីជីថល សុវត្ថិភាពទេសចរណ៍ ទីផ្សារឌីជីថល ការស្រាវជ្រាវ និងអភិវឌ្ឍន៍ និងការគ្រប់គ្រងគោលដៅទេសចរណ៍។ ឯកសារនេះកំណត់បច្ចេកវិទ្យាគន្លឹះចំនួន ១៥ និងបែងចែកការអនុវត្តជារយៈពេលខ្លី ២០២៣ ដល់ ២០២៤ រយៈពេលមធ្យម ២០២៥​ ដល់ ២០២៧ និងរយៈពេលវែង ២០២៨ ដល់​ ២០៣០។